untitled
masi masi wayroon ko liyulupa
in patta sin kaina tagna
ha waktu sin kita nakapagbutas
kabinsanaan in dih ko matatas
bunnal sa ako in namin katu karuwa
minig ha hula bang hawnu piyagtanum in kasi iban lasa
in katan sin jimatu yadto, way piyagtuuran
pangatayan ko landu kiyapalian
ha jaman sin pagbak sin ulan iban suga
baran ta in namungat sin paglasa
mayta baha kita ini nagkabihaini?
unu na marayi in gantaan sin katan ini
dum adlaw way paghali ha pagtalian
sin mga kakahinang ta hipuh sin kakuyagan
byaun kiyapasaran na ha laum kasusahan
pagtangis way ko kiyatahanan
in ngan mu, himuhugut ha kabuhi ko
kumala ha jantung ko
palitaan sin dan ko ha kalinduman
mamung sin katan kabimbangan
tuput ikaw in liyalasa ko
panumtum kaymo tattap way myuklas ha anggawta ko
yari in himumungan sin pangatayan ko
kaymo ako, tunggal ikaw in tagdapo
Leave a Reply
You must be logged in to post a comment.